Historisk utbetaling – så mykje tente Warholm og Ingebrigtsen på EM-suksessen
Karsten Warholm og Jakob Ingebrigtsen var blant ti utøvarar som fekk med seg ein eksklusiv pengebonus frå friidretts-EM i Roma.
Det europeiske friidrettsforbundet (EA) hadde i år for første gong sett av ein pott til å premiere dei ypparste EM-utøvarane. Fem kvinner og fem menn fekk 50.000 euro kvar.
Summen svarer til 573.000 kroner. Éin frå kvar kjønnsklasse i desse disiplingruppene vart påskjønt:
Annonse
* Sprint og hekkeløp: Karsten Warholm og Femke Bol, Nederland (400 m hekk)
* Mellom- og langdistanse: Jakob Ingebrigtsen og Nadia Battocletti, Italia (5000 m)
* Kastøvingar: Leonardo Fabbri, Italia (kule) og Sandra Elkasevic, Kroatia (diskos)
* Hoppøvingar: Armand Duplantis, Sverige (stav) og Malaika Mihambo, Tyskland (lengde)
Annonse
* Landeveg, kombinerte øvingar og stafettar: Johannes Erm, Estland (tikamp) og Nafissatou Thiam, Belgia (sjukamp)
Det var 49 medaljeøvingar i EM, men berre ti gullvinnarar vart premierte økonomisk. Prestasjonane vart bedømde etter WAs poengsystem.
Ingebrigtsen forsvarte også EM-gullet på 5000 meter.
Det har vorte utbetalt bonusar i VM sidan 1997. I sommar blir alle friidrettsgull i OL for første gong premierte med 50.000 dollar (530.000 kroner).
(©NPK)
