• Admiralsommefugl på ein kvit kransveronika.

    Bilete 1 av 5 - Admiralsommefugl på ein kvit kransveronika.

  • Kløver frå i fjor.

    Bilete 2 av 5 - Kløver frå i fjor.

  • Til venstre: Ei tigerlilje, namnet er nok også borte her. Ps: eg plante det eg synest er fint og er ikkje så opptatt av navn. Til høgre: Alpefiolen (cyclamen) er nesten finare ute. Likar å ha det litt kaldt og fuktig.

    Bilete 3 av 5 - Til venstre: Ei tigerlilje, namnet er nok også borte her. Ps: eg plante det eg synest er fint og er ikkje så opptatt av navn. Til høgre: Alpefiolen (cyclamen) er nesten finare ute. Likar å ha det litt kaldt og fuktig.

  • Lyngkrans. Bruk halmkrans eller lag ein av gamle aviser, som underlag. Ronja, mitt eldste barnebarn var på besøk og me måtte finna på noko. Me fant lange, tynne greiner som var lette å bøya og laga ein krans som passa til hovudet hennar og festa med vikletråd. Så er det bare å fylla opp med blomster. Hortensia her, men er like fin med markblomster. Ho laga mesteparten sjølv.

    Bilete 4 av 5 - Lyngkrans. Bruk halmkrans eller lag ein av gamle aviser, som underlag. Ronja, mitt eldste barnebarn var på besøk og me måtte finna på noko. Me fant lange, tynne greiner som var lette å bøya og laga ein krans som passa til hovudet hennar og festa med vikletråd. Så er det bare å fylla opp med blomster. Hortensia her, men er like fin med markblomster. Ho laga mesteparten sjølv.

  • Kjempe-krysantemum til venstre. Rognebærkrans: Her lagar eg ein krans av gamle aviser. Stram hardt med vikletråd. Set tett i tett med rognebær.

    Bilete 5 av 5 - Kjempe-krysantemum til venstre. Rognebærkrans: Her lagar eg ein krans av gamle aviser. Stram hardt med vikletråd. Set tett i tett med rognebær.

Seinasommarhagen

Her i Hagen på Hagane har hageeigaren blitt frustrert over alt regnet.

av Solfrid Wannberg

Alt ligg flatt, og råte, helst før ein får plukka visne blom-ster og tynna i alle klasane med frukt. Det er ein ting som er sikkert, i år er det mykje frukt. Pærene hos oss skal bli til deilig pærejuice. To store greiner av plommetreet knakk, stappfulle av plommekart – brakk det dei landa på òg! Det er då ein ser viktigheten av å tynna. På med regnklede og ta ei økt, verdas beste trim. Har fått bruk for alle blomsterpinnar og støtter i år. NB: ikkje vent til plantene har lagt seg. Plukk stadig visne blomsterstander og øydelagde blader, anten det er skade av rust, oppete av sniglar, osv., i år har me alt. Det ser finare ut, og ein har glede av plantene lengre. Kast blader med rust i søppelet. Sjølv tar eg ein snigleklipperunde både morgon og kveld. Ekstra viktig nå om hausten, for det er nå dei legg egg. Klipp, klipp, klipp!

OM EIN IKKJE FÅR SLÅTT plenen så ofte pga. regn, invester i ei oppladbar kantklippe-saks. Har ein tatt kantane, ser alt så mykje bedre ut. Plenen må me nok stella ei god stund ennå, sniglane likar seg mindre i kortklippa gras. Berre hugs å la det stå igjen nokre grastustar til vinteren. Er også litt greit å gå med plenklipparen viss det er mykje lauv på plenen. Sjølv så kutta
eg ned alle stemorsplantene mine før eg reiste på ferie, og nå får eg løna for det. I krukkene som ikkje er så fine kan ein planta noko nytt. Lyng, alpefiol (ja, du leste rett, den trivst betre ute), krysantemumer, sølvtråd (den held seg fin resten av året), alunrot (heuchera, er òg ein staude) og ikkje minst kløver som i dag finst i fleire vakre fargekombinasjonar. Er du heldig, overlever kløveren ute til neste år. Eg bruker òg ein del grønt i mine krukker, formklippa buksbom som er fin heile året, eføy og pletter i luften. Knallfin åleine eller i samplantingar.

ØNSKJER DU NOKO NYTT til hagen så vil eg i tillegg til alle dei vakre hauststaudene som er i handel, slå eit slag for liljene. Dei blømer lenge, dufter nydelig og tåler godt regn. Dei bør plantast nå på hausten, og nettbutikkane har eit supert utval. Kan anbefale Garden Living og Zimtrade. Mitt tips: kjøp fleire av same sort og plant tett. Så er det berre og gleda seg til neste haust. Vil ein ha ein fin vår i hagen så begynner den også nå. Plant lauk i mengder! Utvalet er så stort i nettbutikkane at det er vanskeleg å begrensa seg. Husk god drenering i planteholet, av grus/sand, blodmel og kugjødselkompost. Skap kveldsstemning i hagen med solcellelamper og lykter med telys. Vanlege lys smeltar lett i sola, og så må ein hugsa å blåsa dei ut! Godt å nyta dei mørke haustkveldane.

KVA MED EIN LYNGKRANS? Lyngen ute er knallfin i år. Benytt anledningen til å laga krans. Grunnlaget lagar eg av gamle aviser og vikletråd. Fest små buketter med lyng tett i tett rundt aviskransen. Egentlig så kan ein laga krans av kva som helst. Lukke til!

ME ER NOKON RARE skapningar, så snart sola dukkar opp har me gløymt alle dei sure dagane. Tenk også på alle timane med vatning me sparer.
Siste linjene mine blir dei siste linjene i Haldis Pettersen si hagelagsvise: Om du blir hundre, kan du vera stø, at hagefolk vil aldri gå i frø! Ja, jord gjer vel, for kropp og sjel – er medisin av beste slaget, så meld deg inn i hagelaget!

PS: Følg gjerna instagramkontoen min: @hagen_paa_hagane.