REFERAT:  Supre  O-løyper  frå  Suldalshallen

Marthe Krog er i gang med kartet.

REFERAT: Supre O-løyper frå Suldalshallen

av Jan Erik Kristensen

RESULTAT:

  Kort løype, 1,5 km:  
1 Marte Krogh 18:49
     
  Lang løype, 3,2 km:  
1 Stig Morten Nerheim 21:31
2 Alf Odden 24:29
3 Jon Nærheim 32:20
     
  Mellom løype, 2,4 km:  
1 Silje Nerheim 24:00
2 Bibbi K. Olesen 28:40
2 Sissil Egge 28:40
4 Øyvind N. Fjellhaugen 32:03
5 Torkel Myklebust 32:07
6 Kari Myklebust 34:19
     
  Trim:  
  Magnar Nerheim  
  Jan Erik Kristensen  
  Odd Rune Malerbakken  
     
  Michael Willig Løypeleggjar

Onsdag arrangerte Suldal O-lag den 3. Vinter-O-karusellen denne sesongen. Det var flott løpsvêr, med seks grader, opphald og lite austavind. Denne gongen var det litt færre unge som deltok, medan det blei hard konkurranse i mellom-løypa. Totalt var det 14 deltakarar med.

Stor fart i løypene
I kortløypa var det berre Marte Krogh som deltok, men ho sprang sikkert og godt og fann postane på det nye sprintkartet i fin stil.
I mellom-løypa var det heile seks deltakarar som sprang på tid. Silje Nerheim, lovande langrennsløpar i Suldal IL Ski, har god løpsform for tida. Ho vann med klar margin. I lang-løypa dukka Stig Morten Nerheim opp denne gongen, og sjølv om han har vore skada ei tid, gjekk det unna denne kvelden. Han sprang den 3,2 km lange løypa, i luftlinje på raske 21:31, og var bortimot tre minutt føra Alf Odden, som og sprang godt. Man denne gongen hadde han hatt litt tidstap med litt bommer på nokre av postane.

Mange med i løypene frå Sand skule
I år har Suldal O-lag kombinert treningsløpa med skule-orientering for skulane i dalføret. Både Nesflaten skule, Sand skule og Vinjar skule har fått dette tilbodet nå før jul, og det har vore ein suksess. I denne veka har heile mellomsteget på Sand skule, om lag 55 elevar, samt 10. trinnet sprunge gate-o-løp i nærleiken av skulen. Så sånn sett kan me seie at bortimot dei unge er i stort fleirtal også på dette treinings-løpet. Totalt blir det nesten 100 personer som har prøvd seg med kartet i handa denne veka.

Få med dykk siste vinter-Karusellen før jul
Neste onsdag går det 4. gate-O-løpet på Suldalsosen. Det blir anten frå skule-området, eller frå den nye speidarhytta i Mehushaugen. Vinjar skule vil få tilbod om å nytte O-løypene komande veke, og me håper på ein solid rekord i talet på deltakarar på kvelden.

Alle i heile Suldal kommune er hjarteleg velkomne til å delta.

Me sjåast onsdag 4. desember på Suldalsosen.