Nettavisa blir ny

I samband med overgangen, vil alle saker liggja opne eit par dagar, men torsdag vil alle måtta registrera seg på nytt. Når ein då klikkar på ei sak, må ein oppgi e-postadressa si og får deretter tilsendt informasjon om vidare pålogging.

Abonnentar som ønskjer eller treng hjelp, er sjølvsagt framleis hjarteleg velkomne til å ta kontakt eller komma innom oss.

Nyhendebrev

Me arbeider også med å få på plass eit nyhendebrev me vil senda på e-post ein gong i veka der me oppsummerer store og små nyhende og saker frå veka som gjekk.

For dei som likar å få nytt om stort og smått rett inn i øyra i staden for å lesa, jobbar me med ei løysing for å kunna tilby somme av sakene opplesne. Akkurat når denne ligg føre, er for tidleg å seia, men den er på gang.

Suldalsposten først ut

Det var like før jul i fjor at partnaravisene i Polaris måtte begynna sjå seg om etter nye publiseringsløysingar og samarbeidspartnarar. Dette har Suldalsposten brukt mykje av det siste året til. Forutan Suldalsposten gjeld det avisene Vest-Telemark Blad, Hordaland Folkeblad, Os & Fusaposten, Grenda, Bladet Tysnes og Firda Tidend. Av dei sju avisene er det Suldalsposten som er først ute med å presentera den nye løysinga.

Me ber lesarane om forståing for at nyhendestraumen kanskje ikkje blir like stri i overgangen, men me skal gjera vårt beste og gi jarnet for å levera.

Ein solid lesar-pluss for Suldalsposten

Suldalsposten i ruskevêr