Nå skal straumen fram, nedsett fartsgrense i Rødsliane
Nettselskapet Fagne as er godt i gang med å skaffa straum til den nye tunellen på riksveg 13 i Rødsliane. Dei som har køyrt strekket dei siste vekene, har observert arbeid med både skoging og sikring.
Publisert
Fagne har ansvar for nettinfrastrukturen som skal forsyna tunellen med straum under arbeidet og når den kjem i drift. Prosjektet inneber ein kombinasjon av høgspent jordkabelanlegg og luftlinje.
Annonse
Sett ned fartsgrensa
Kommunikasjonsansvarleg Silje Rødeseike i Fagne seier til Suldalsposten at prosjektet følgjer fremdriftsplanen. Om alt går etter planen, er Fagne ferdig med arbeidet sitt mars/april 2025.
Ho seier også at trafikantane på strekkjet kan venta seg både anleggsarbeid og anleggstrafikk i prosjektperioden. Alt denne veka blir fartsgrensa på strekninga frå Lovra rasteplass og 3,5 kilometer mot Sand sett ned til 50 km/t i arbeidstida deira, måndag til torsdag, for å ivareta tryggleiken mens arbeidet pågår.
