Nataliya Musulevska.
Nataliya Musulevska er det nyaste medlemmet i målarklubben og er med i utstillinga med bildet "Drømmer".

Målarklubbens juleutstilling: Skaparglede på kvitt lerret

14 amatørkunstnarar har jobba hardt for å få på plass utstillinga. Laurdag blei den opna med tale og klaverspel.

Oda Torbjørnsen
Journalist
Publisert

Målarklubben blei stifta i 2013 og tel nå 16 medlemmar. Fokuset for årets juleustilling er portrett. Nett som klubben sjølv, er det likevel stor variasjon i både motiv og tema.

Tale og klaverspel

Å opna utstillinga var det kultursjef Kaspar Nilsen som hadde fått gleda av å gjera. Han var imponert over kva dei 14 ivrige fritidsmålarane hadde fått til. Målarklubben hadde invitert Veerle Haug Tieghem til å spela på opninga.

Under kan du sjå bilde frå opninga

Veerle Haug Tieghem spelte to stykker for dei frammøtte. Begge handlar om vatn. Det er også tema i fleire av dei utstilte bilda.
På utstillinga kan ein også få sjå litt av prosessen bak bilda.
Det var duka for julestemning med utstillingsopning og vakker musikk til.
Kaspar Nilsen snakkar i mikrofon.
Kultursjef Kaspar Nilsen fekk æra av å opna utstillinga. – Eg er imponert over at me i Suldal har folk med så mykje ferdigheiter som bidreg til å halda denne kunstformen levande, sa han.
Bilder som henger på ein vegg.
Mange av bilda i juleutstillinga har henta inspirasjon og motiv frå naturen. Samstundes er breidda i målarklubben stor og i utstillinga kan ein sjå alt frå portrett til meir abstrakte bilde.

Les meir om kva me har skrive om Malarklubben tidlegare:

nyhende
Powered by Labrador CMS