Halvanna million til «Heilt heim»
Ungdomsstyret i Ryfylke har utvikla eit prosjekt kalla Heilt heim. Her har dei utvikla ein digital kommunikasjonsplattform som skal styrkje banda mellom ungdom og arbeidsliv i regionen.
Publisert
Sist oppdatert
Det er Sparebankstiftinga SR-Bank som gir ungdomsstyret støtta, som er på 1,5 millionar kroner.
– Vil gjera det enklare for unge
Annonse
– Me er utruleg glade for denne støtta som gjer det råd for oss å realisera viktige tiltak for unge i Ryfylke. Heilt heim vil gjera det enklare for unge å halda kontakten med regionen sin, få betre oversikt over det spennande arbeidslivet regionen har og delta aktivt i utviklinga av Ryfylke.
Det seier Anne Langeland Bratthammer, leiar i ungdomsstyret, i ei pressemelding.
Vil løfta fram kvalitetane i eigen region
Midlane skal vera med å realisera ein del av handlingsplanen til ungdomsstyret. I tillegg til Heilt heim, arbeidar styret nå med å arrangera Ryrekrutt; eit stort nettverks- og rekrutteringsarrangement som finn stad i april i Stavanger. Arrangementet skal inspirera fleire unge til å bli betre kjent med kvalitetane i eigen region.
Annonse
Ungdomsstyret vil også arbeida vidare med blant anna vidareutvikling av nettportalen Sommarjobben.no og etablering av et trainee-program for nyutdanna i samarbeid med lokalt arbeidsliv.
