Førjuls-glede og solide pengegåver til lokale lag
Banksjef Magne Christiansen i SpareBank 1 Sør-Norge tok turen til Sand i dag, serverte lunsj og nærare 1,3 millionar bankkroner til godt nøgde mottakarane.
Publisert
Sist oppdatert
Sparebankstiftelsen SR-Bank delte ut 1 270 000 kroner til fem lag i Suldal og eitt i Sauda.
Ein halv million til Hellandsnuten
Annonse
Mest av alle fekk Suldal Næringsforening. Nå har dei 500 000 kroner til å fortsetja arbeidet med sherpatrapper og tilrettelegging av stien til Hellandsnuten. Ryfylkemuseet hadde også grunn til å smila breitt. Dei fekk støtte til to ulike prosjekt. 350 000 kroner til toalettfasilitetar på museumsgarden Hustveit, og 100 000 kroner til ein interaktiv fotoutstilling og andre markeringar i samband med 200-årsjubileet for utvandringa til Amerika.
Ny tuba
Suldal Røde Kors har behov for å skifta ut beredskapsutstyr og får 200 000 kroner til utstyrspakker som blir nytta innan tau-, sjø/vatn-, is- og elveredning. Pengane skal også komma kompetanseheving innan tau-redning til nytte. I Sand Musikkorps er dei så heldige å kunna skilta med medlemsauke dei siste åra. Dermed trengst både nye instrument og anna utstyr. Frå sparebankstiftinga tok dei imot 70 000 kroner som skal gå til, mellom anna, ein ny tuba. Sauda Turlag hadde også teke turen til Sand og utdelinga i dag. Med seg inn fjorden fekk dei 50 000 kroner som dei planlegg å bruka til ti komplette sett med truge-utstyr som laget skal ha til utlån.
