DSB ber kommunane skjerpa seg om beredskap
Dei fleste kommunane i Norge har eit beredskapsråd, men få av dei tek det i bruk, viser ei ny undersøking frå Direktoratet for samfunnstryggleik og beredskap.
– Det er svært positivt at 80 prosent av kommunane som har svart på denne undersøkinga har eit beredskapsråd på plass. Men råda bør brukast meir aktivt – ikkje berre i planarbeid, men også når krisa faktisk oppstår, seier Elisabeth Longva, avdelingsdirektør i DSB.
Summen av mange små forbetringar
Annonse
80 prosent av kommunane har altså eit kommunalt beredskapsråd, ifølgje DSBs kommuneundersøking for 2025, men berre rundt 30 prosent bruker det under faktiske hendingar.
Også på andre område, som risiko- og sårbarheitsanalysar og krisekommunikasjon, er det mange kommunar som er under pari.
– Kommunane gjer ein viktig jobb og tek beredskap på alvor, men ne må heile tida jobba for å tette hola. Det er summen av mange små forbetringar som gjer at samfunnet står stødigare når det verkeleg gjeld, seier Longva.
(©NPK)
