Min påsketur: Geir Ove Løland
Nastølen i Hylsfjorden er svaret når Geir Ove Løland skal velja seg den finaste påsketuren.
Har du ein påsketurfavoritt?
– Ja, den finaste påsketuren for meg går til Nastølen i Hylsfjorden.
Annonse
Korleis kjem du deg dit?
– Ein både startar og sluttar turen ved Indre Bjerga, og turen går både på traktorveg og sti.
Kor lang tid brukar du?
– Rundt tre og ein halv time tur-retur.
Annonse
Kva er det som gjer akkurat denne turen så fin?
– Det er ein veldig fin tur opp til stølen, Når ein kjem heilt fram, er der ei fantastisk fin utsikt, og det utan å gå på verken nokon topp eller nut. Ein ser Skaulen i aust og ferjene på Boknafjorden og Kvitsøy i vest på ein gong.
Kva finn me i nistepakka di?
– Eg har ikkje noko spesielt med meg i sekken på påsketur. Det kan vera alt frå Kvikk Lunsj, til konjakk.
