Torunn Tysseland, Guro Søraas Vasshus, Donata Ngabire, Ruth Solmon og Vilde Brekke Nevøy, alle frå 7. klasse på Sand skule, syntest det var kjekt på Beachparty ved Suldal Bad, fredag kveld. Aller mest gledde dei seg til laurdagen i Gata.
Hussein Aliko har full kontroll på burger-flippinga. Det blei servert gratis hamburgar og pølser til ungdommane fredag kveld.
Guro Foldøy, Kari Tone Foldøy og Brynhild Rødne jaktar kjende fjes i Mimrestova. Utstillinga av bilda til Roy Høibo vakte begeistring.
Jonas Vaage var stødigast med ballen og gjekk av med sigeren i årets triksekonkurranse.
Serina, Vilde og Solveig kom sjøvegen til marknadsdagen.
Aina Fuglestein, Mia Leverskjær Steindal og Anna Vaarvik Laugaland tok dagens første økt på tombolaen til inntekt for klasseturen til Oslo neste år.
Fargerike freistingar
Sandsjenter venter på endene. Det er berre Kari Fossan Steine til høgre som har lodd, og venninnene legg opp slagplan for ein eventuell siger.
Ivar Moe og Egil Årthun, fann roen midt i Sandsbrauta med konge utsikt til livet på Torjå.
Det var godt å kjøla seg ned litt utover dagen.
Karl Magne Aarhus, til høgre, lar seg imponera over bjøllesamlinga til Ivar Bakka Lunde.
Johne Johnsen frå Raudt var på stemmefiske. Her er det Guro Foldøy, Brynhild Rødne og Liv Hiim som hamna i garnet.
Terje Bråtveit i Suldal sogelag kom til Mimrestova i rett køyretøy.
Suldalsposten stilte med redaktør Esther Moe, dagleg leiar Berit Reinertsen Sandvik og ein haug med dialektnett.
Gutta boys var godt nøgde med både Hawai-stemning, servering og opplegg på Beach-partyet.
Sjøhuset stilte med brygge, god stemning, trubadur og strålande vêr.
Ane Foldøy og farmor Kari Utne Foldøy var tidleg ute på loppemarknaden. Laila Sand i Sand sanitetsforeining hjelper gladeleg til.
Synva Haukali Foldøy fann seg to eldre jenter ho ville kvila seg litt på trappa med. Sofie Klungtveit Slagstad og Malin Øigjord Lofthus gav plass. - Det kjekkaste med Ryfylkedagane er at det er fint vêr og at me kan treffa venner, meiner Sofie og Malin.
Denne kjekke gjengen frå Odda, Stavanger og Karmøy har campert på Hydrokaien. –Me var her i fjor for første gong, og nå har me fått vennene våre med i år. Alt sist søndag var me her for å sikra oss dei beste plassane, fortel eitt av para. Dei andre rundt bordet er strålande nøgde med å ha oppdaga Sand, og spesielt damene er nøgde etter gode kjøp hos Bustad. Mannfolka melder at makrellen bit på kroken og har gitt dei opp til fleire middagar.
Mange ville handla seg vårrull og anna snacks hos Siranee, og køen var lang heile dagen.
Dei politiske partia har starta stemmesankinga.
Fleire fargerike freistingar.
Konkurransar ved standen til Suldal Røde Kors
Målarklubben leverte sol, sommar og farger på lerret. Her ved kunstnarane Åslaug Thorsen Tveiterå, Kerstin Bock, Siv R. Speth og Brith Starheim.
Suldal Turistkontor opna for sesongen i dei gamle lokala til SR-bank. Turistane var raskt på plass, og her forklarer Marit Larsen dei vegen til Hellandsnuten.
Liv og røre i sentrum.
Klovnen Charlie showa på scenen, og dei minste var ikkje vanskelege å be med på moroa.Nora Bogetvedt Jenssen
