Bilulukke  på  Førlandsbrua

Det er lange køar ved Førlandsbrua nå i ettermiddag etter ei ulukke som skjedde på brua. Foto: lesartips.

Bilulukke på Førlandsbrua

av Esther Moe

OPPDATERT KL. 18.05
VEGEN ER OPNA

Politiet melder på Twitter at bilen er taua vekk, og at vegen er rydda og open. Det er manuell dirigering på staden.
Ei kvinne er tatt med av luftambulanse til Stavanger Universitetssjukehus, mens ein mann er køyrt til legevakta. Politiet avhøyrer vitne på staden, men skadeomfanget på dei involverte er ukjent.

Ambulanse og brannmannskap arbeider nå i ettermiddag ved Førlandsbrua der ein bil har hamna på sida. To personar er involverte i ulukka som blei meldt politiet klokka 16.30. Ein person skal ha blitt sitjande fastklemt, og brannmannskapa har arbeidd med frigjering av vedkommande. Nå, rett etter klokka 17 er også luftambulanse kommen til staden.

Lange køar
Det er meldt om lang kø i både på rv 13 og fylkesvegen til Gullingen. Per nå har ikkje politiets operasjonsleiar meir informasjon om ulukka eller tilstanden til dei involverte. Politiet var nå klokka 17 framleis ein halvtimes tid unna, men operasjonsleiar seier bergingsbil er bestilt.
Suldalsposten oppdaterer saka.