• Bilete 1 av 3 -

  • Bilete 2 av 3 -

  • Bilete 3 av 3 -

Vårleg hageglede

Endeleg får alle kriblande hagefingrar litt å rota i!

av Solfrid Wannberg

Jordskokksuppe

4 porsjonar
40 – 60 min

500g jordskokk
2 ts eddik 7 prosent
2 dl kremfløyte
1 ts salt
1⁄2 ts pepar
1 ss sitronsaft

Skrell jordskokkane og legg dei i ein bolle med eddik og kaldt vatn (for å unngå at dei blir brune). Ta vare på eit par jordskokk og legg resten i ein kjele. Tilsett 1 dl fløyte og dekk dei med vatn. Kok dei møyre. Mos deretter jordskokkane med stavmiksar. Spe på med kokevatn til ønskt konsistens, tilsett resten av fløyten og kok opp. Smak til med salt og pepar og nokre dråpar sitronsaft.
Skjer dei siste jordskokkane i tynne skjever, tørk dei i litt papir og steik dei i litt olje til dei er sprø og gylne. Supert som gar- nityr. Elles kan baconterningar, spekeskinke, graskarkjernar og brødkrutongar brukast til garni- tyr. Her er det berre å prøva seg fram med det ein likar. Servér med persilledryss og kanskje ei god olje. God appetitt !

Men eg ropar eit lite varsko, ikkje fjern lauv og tildekking for tidleg. Det kan framleis bli meir vinter.

Dei tidlege vårblomane
Sjølv klipper eg ikkje ned alt på hausten, det begynner eg litt forsiktig med nå. Det er mirakelets tid å sjå at det begynner å komma liv i hagen. Lukkeleg er den som har snøklokker og andre tidlege vårblomar. Uansett kor mange laukar du la nedi på hausten, er det aldri nok!

Kva med ei hagedagbok?
Tips: Merk av i beda med ispinnar eller liknande kor du manglar laukblomar, så veit du når hausten kjem kva du skal bestilla og kor du skal setja dei. Grunnregelen for ein fin hage, er god planlegging. Ei hagedagbok er heller ingen dum idé.
Tida er inne for å hausta jordskokk, den er best nå, så her er også ei oppskrift på jordskokksuppe.

Vent på regn
Plenen treng gjødsel. Eg brukar berre heilgjødsel (pelletrert hønseskit) på min plen. Med bioklipp i sesongen i tillegg, er det nok gjødsling her. Pass på ein dag det regnar eller det er meldt regn, så unngår du brannskade og lukt. Beda får eit dekke med ei blanding av eigen kompostert mold, kugjødsel-kompost og litt kjøpejord av god kvalitet. La jorda få liggja mest muleg i ro og la det vera så lite tomrom mellom plantene som muleg, så ordnar jorda opp sjølv og ein unngår ugras.

Frukttrea
Frukttre treng stell. Eit tips for å unngå kosteskaft i toppen etter mykje klipping, er å la det stå igjen ei grein (ei antenne). På gamle tre; kutt ei rot og to, då vil treet bera meir frukt. Bruk ei kompostkvern og lag flis av greinene. Det er unødvendig å køyra dei bort, då flis er ein fantastisk ressurs for hagen. Sjekk med kommunen om dei har til låns. PS: Sneglane hatar flis!

Tid for å så
Tida er òg inne for å så. Ein kan lett gå litt amok på alT nytt som nettbutikkane tilbyr. Her er det berre å prøva og feila. Sjølv har eg fått litt dilla på spennande tomatsorter.
Pynt i krukker og kar med nyinnkjøpte vårblomar – det er lov. Alle laukblomar og stemorblomar er trygge, dei kan godt tola nokre minusgrader. Lag eit bjørkerisreir og betongegg som ekstra dekor. Bjørkeris er eit fantastisk materiale å bruka, til dømes til kransar, hjarte, reir etc. Bjørka bør haustast nå. Be- tongegg lagar eg av godt flytande betong i tomme eggeskal.