Ung suldøl på konditorlandslaget

Sunniva Nergård Myhre (21) er tatt ut som deltakar til Baker- og Konditorlandslaget.

I dag jobbar Myhre, som er frå Hebnes på Ropeidhalvøya, på Hurtigruta MS Trollfjord. Den unge konditoren, som er ein av dei fem på konditorlandslaget, er ikkje heilt uvant med å konkurrera på sitt fagfelt. I 2014, året før ho tok sveinebrev i konditorfaget, konkurrerte ho i lærling-NM, der ho vann bronse. For halvtanna år sidan, var ho med i Rogalandsmesterskap Ung Konditor, der ho vann begge prisane, både frå publikum og dommarpanelet.