Trafikkulukke i Tyssesvingen på rv 13

Oppdatert 09.55
Politiets operasjonsleiar opplyser at to personar er frakta til legevakta, men at ingen av dei per nå framstår som alvorleg skadde. Ein skal ha klaga over smerter i nakken. Politiet var på staden rundt klokka 09 og jobbar nå med avhøyr av vitne til ulukka.

Oppdatert 09.25
Vegen er nå opna etter ulukka.

Stillas velta over bil
Riksveg 13 mellom Erfjord og Sand er heilt stengt ved Tysse etter ei trafikkulukke rett over klokka 08, og det er lange køar i begge retningar.
Ein person skal vera skadd, det er ikkje klart kor alvorleg, i det som er ei trafikkulukke der ein tilhengar med eit stillas har velta over ein annan bil.
Ifølgje vitne på staden kan det sjå ut som at dei to bilane har møttest, nesten passert kvarandre, men at hengjaren har velta over den møtande bilen og altså påført skadar i fronten.
Politiet er endå ikkje framme på staden, men er på veg, og operasjonsleiar seier ambulanse og brann alt er ved ulukkesstaden.
Suldalsposten kjem tilbake med meir.