Totalforbod mot bruk av open eld

Bål i Erfjord midtsommarnatta var lov, nå er det innført forbod mot all bruk av open eld ute i naturen. Foto: Ole Jørgen Nøstbakken

Totalforbod mot bruk av open eld

Frå og med i går 10. juli innførte Haugaland Brann og redning IKS, som Suldal kommune nå er del av, totalforbod mot bruk av open eld.

av Nora Bogetvedt Jenssen

– Det gjeld all bruk av open eld ute i naturen, forklarer Morten Aarhus i Suldal kommune.

Kan grilla
Det er lov å grilla heime på terrassen, men Aarhus oppmodar til å vera forsiktig.
– Grilling med kol og gass er innanfor, men det er ekstremt tørt nå og bruk av bålpanne og fyring med ved vil eg ikkje råda til.

Tips frå publikum
Sist periode med bål-forbod reiste brannvesenet rundt og sjekka at forbodet blei halde.
– Me fekk ein del tips frå publikum, og det var stort sett utanlandske turistar, som ikkje var klar over faren ved å fyra opp bål i det tørre vêret, me måtte stansa.

Ikkje regn i sikte
Vêrmeldinga lovar sol og tørt vêr på langtidsvarselet. Vêrprofetane spår ein juli utan regn.
– Me følgjer med på bassenga og vurderer kontinuerleg om me skal setja i gang eit vatningsforbod i kommunen, seier Aarhus.