• Sommarmaknad i Marvik i for mange fast tradisjon. I år feirar arrangementet, som Marvik båtforening steller i stand, heile 20 år. 15. juli er dagen det skjer. Arkivfoto

    Bilete 1 av 12 - Sommarmaknad i Marvik i for mange fast tradisjon. I år feirar arrangementet, som Marvik båtforening steller i stand, heile 20 år. 15. juli er dagen det skjer. Arkivfoto

  • Stranddalen turisthytte markerte opninga av sommarsesongen sist helg. Her bilde av då Olaug Marie Hebnes og Kristin Sandvik underhaldt med song og musikk. Foto: Privat

    Bilete 2 av 12 - Stranddalen turisthytte markerte opninga av sommarsesongen sist helg. Her bilde av då Olaug Marie Hebnes og Kristin Sandvik underhaldt med song og musikk. Foto: Privat

  • Er du framleis flink på stylter? Vel, det kan du sjekka ut på Kolbeinstveit. I morgon, laurdag, er det familiedag på garden der det er mykje kjekt å finna på. Foto: Lena Nergård

    Bilete 3 av 12 - Er du framleis flink på stylter? Vel, det kan du sjekka ut på Kolbeinstveit. I morgon, laurdag, er det familiedag på garden der det er mykje kjekt å finna på. Foto: Lena Nergård

  • I kveld, fredag, inviterer Dampen gjestehus og pub på Nesflaten inn til grillkveld. Foto: Olav Lindseth

    Bilete 4 av 12 - I kveld, fredag, inviterer Dampen gjestehus og pub på Nesflaten inn til grillkveld. Foto: Olav Lindseth

  • I Laksestudioet ved Sandsfossen kan ein studera fisk på nært hald. Arkivfoto.

    Bilete 5 av 12 - I Laksestudioet ved Sandsfossen kan ein studera fisk på nært hald. Arkivfoto.

  • Halvøydag er marknad og moro ved eller i det våte element, Vatlandsvågen. Laurdag 8. juli er det igjen klart for fest på Kloppå. Arkivfoto

    Bilete 6 av 12 - Halvøydag er marknad og moro ved eller i det våte element, Vatlandsvågen. Laurdag 8. juli er det igjen klart for fest på Kloppå. Arkivfoto

  • Fisk og festival, ja, det kan dei i Vanvik. I år, som tidlegare år, blir det fiskekonkurranse og fest på kaien 22. juli. Arkivfoto

    Bilete 7 av 12 - Fisk og festival, ja, det kan dei i Vanvik. I år, som tidlegare år, blir det fiskekonkurranse og fest på kaien 22. juli. Arkivfoto

  • Laurdag 22. juli er det bluesfest på Lakseslottet Lindum. Jan Flaaten Band er eitt av banda som kjem. Foto: Pressebilde

    Bilete 8 av 12 - Laurdag 22. juli er det bluesfest på Lakseslottet Lindum. Jan Flaaten Band er eitt av banda som kjem. Foto: Pressebilde

  • The Untamed Wolfpack kjem også til Lindum. Her frå venstre Mr. Southbay, Mr. Catwolf, Dustin Wolves og Tony. Foto: Pressebilde

    Bilete 9 av 12 - The Untamed Wolfpack kjem også til Lindum. Her frå venstre Mr. Southbay, Mr. Catwolf, Dustin Wolves og Tony. Foto: Pressebilde

  • Reodors Bluesrockers, med Oddgeir Tengesdal, Kjetil Larsen og Håkon Nielsen, blir også å sjå og høyra på Lakseslottet bluesfest. Foto: Privat

    Bilete 10 av 12 - Reodors Bluesrockers, med Oddgeir Tengesdal, Kjetil Larsen og Håkon Nielsen, blir også å sjå og høyra på Lakseslottet bluesfest. Foto: Privat

  • Pokemone-jakt på suldalsvis? Jo, der et Suldal o-lag sin tur-orientering i heia.

    Bilete 11 av 12 - Pokemone-jakt på suldalsvis? Jo, der et Suldal o-lag sin tur-orientering i heia.

  • På Litunet kan ein i sommar treffa Toev Kampestuen Heyerdahl som sommarguide. Ho vil formidla historia til Valborg, som var det siste som budde på garden. Foto: Ingrid Aas/Nils Hallvard Korsvoll

    Bilete 12 av 12 - På Litunet kan ein i sommar treffa Toev Kampestuen Heyerdahl som sommarguide. Ho vil formidla historia til Valborg, som var det siste som budde på garden. Foto: Ingrid Aas/Nils Hallvard Korsvoll

Det skjer i sommar-Suldal

Sommaren er her, og det er berre å nyta dagane og dei lange, lyse kveldane.

av Marta-Brit Lunde

Kva med å få med seg ein eller fleire feriegodbitar i Suldal, anten det er på fjorden eller til fjells, eller ein heilt annan stad? Her kjem eit knippe arrangement som finn stad i kommunen nå i sommar.

To Suldals-perler
I helga starta sommarsesongen på Stranddalen turisthytte og på garden Kolbeinstveit. Sistnemnde slo til med ljåslått, hesjing og graut, samt fyr i smia. Nå i juli kan ein få med seg familiedag eller pilflettingskurs om ein vil, men tunet er ope kva dag fram til slutten av august.
Heller ikkje i høgt til heis stod det på serveringa under opninga av Stranddalen. På hytta til Stavanger Turistforening kan ein kjøpa heimelaga mat kvar dag fram til stenging i september.

Grilling og levande laks
Vil ein sleppa unna med ein kortare fottur, er kanskje Dampen på Nesflaten staden. I kveld, fredag, byr arrangøren inn til grillkveld med lokale råvarer på glørne. Dampen gjestehus og pub ligg flott til nede ved Suldalsvatnet. Om det blir laks, veit me ikkje.
Men den levande laksen er nå å studera på nært hald i Laksestudio. Studioet har ope kvar dag fram til midten av august. 10. juli startar fisket under Sandsfossen, medan ti dagar etter er det fiske etter laks og aure i heile den 23 kilometer lange Suldalslågen.

Marknadsdagar
Likar ein drøs og marknad, er det fleire arrangement å velja i. Andre helga i juli, laurdag 8., er det på Kloppå i Vatlandsvåg det skjer. Der er det Halvøydagen etter same lest som åra før: grilla laks, salsboder, leiker og aktivitetar.
15. juli er Marvik Båtforening som byr inn til jubileumsfest i Marvik. Den tradisjonelle sommarmarknaden har 20-årsjubileum i år, med mellom anna salsboder, grilling, utlodding og besøk av konferansierane Han Innante og Bugge.
Helga etter, 22. Juli, er det i Hylsfjorden det skjer. Vanvikfestivalen har som vanleg fiskekonkurranse frå morgon av, med innveging av fangst på ettermiddagen. Å kveldstid er det på kaien det skjer med mat, drikke og dans til bandet Podsoll.

Bluesfest på Lindum
22. juli er også dagen Lakseslottet Bluesfest finn stad på Lindum på Suldalsosen. Trubaduren JoJo varma opp før tre band går på scena. På spelelista står: haugesunds-bluesbandet The Untamed Wolfpack, Jan Flaaten Band, også frå Haugesund, som byr på bluesrock, og Reodors Bluesrockers. Sistnemnde er Suldals lokale bluestrio frå Sand. Fekk du ikkje høyrt dei på Ryfylkedagane, har du sjansen denne kvelden.

Kulturhuset eller heia
På Kulturhuset kan du gå på kino eller ta slag bowling i underetasjen. Freistar det meir med å låna seg ei god bok på biblioteket, er det mogleg.
I heia er det nok av nutar å sikta seg inn på og skriv ein seg inn i nok nut-bøker, blir ein nutfant. Eller ein kan søkja opp tursti-karta til Suldal kommune og utforska nye delar av kommunen. Å gå Suldal o-lags tur-orientering i heia, er ein kjekk aktivitet. Konvolutt med kart over dei 60 postane er å få tak i på Gullingen Turistsenter eller sportsforretningen på Sand. Ta turen og postane i eige tempo.

Valborgs historie
Tar du turen til vakre Li-tunet i sommar, er sjansen stor for at guiden som møter deg er skodespelar, artist og NRK-journalist Tove Kampestuen Heyerdahl. Ryfylkemuseet er glade for at Kampestuen Heyerdahl har takka ja til sommarjobb på garden ved Hylsfjorden, frå slutten av juli og ein månad fram. Og i år kan museet lova ein ny vri for dei besøkjande. I vinter intervjua dei Valborg Li, den siste som vaks opp på garden. Li døydde nå i vår. Denne samtalen har Kampestuen Heyerdahl fått tilsendt, og ho har fått fri tøyler til å formidla historia vidare. Om ho då tar fram musikaren eller skodespelaren i seg, vel, det må ein til Li for å finna ut.