Romjulskonsert, marsj og kulturstipend

Pianistane i duoen Simpexity bur og jobbar til vanleg i Belgia. Tredje juledag spelar dei på Kulturhuset. Foto: privat

Romjulskonsert, marsj og kulturstipend

av Nora Bogevedt Jenssen

I dag er dagen til å riva seg laus frå innehyggen, komma seg ut i litt frisk luft og nyta vakre pianotonar på Kulturhuset.

Eit unikum i musikkhistoria
Veerle Omer Tieghem har invitert to belgiske studiekameratar til Suldal, pianistane Lukas Huisman og Ivo Delaere. Dei kvitterer med Johannes Brahms første pianokonsert. Eitt av dei absolutte meisterverka frå det romantiske repertoaret, skriv Tieghem i omtalen av konserten. Ho lovar at dei to virtuose pianistane kjem til å vekkja alle orkestarstemmane til liv, frå det intime, til det glødande lidenskapelege.
Pianistane frå Belgia er ikkje heilt ukjende med Suldal, ein av dei har vore her på ferie før, – Denne gongen skal eg læra dei å gå på ski, ler Tieghem.
Lene van Ruiven mottar Suldal kommune sitt kulturstipend under konserten.

O-lagets romsjulsmarsj
Før konserten startar, rekk ein å gå Romjulsmarsjen som startar ved Sanitetshuset. Sand sanitetsforening og Suldal o-lag står som arrangør, og nytt av året er rebus. Som tidlegare år byr dei på gløgg, nisse og premiar.