Politiet åtvarar mot britiske, omreisande arbeidarar

Bilde viser eitt av køyretøya poltiet nå har kontroll over. Foto: Sør-Vest politidistrikt

Politiet åtvarar mot britiske, omreisande arbeidarar

Tidlegare i veka arresterte politiet i Stavanger to britiske statsborgarar, såkalla travellers.

av Marta-Brit Lunde

I pressemeldinga skriv politiet at dei nå har kontroll på to køyretøy til dei britiske personane som tilbyr folk vaktmeistertenester. Det har i det siste komme inn fleire meldingar frå privatpersonar, som har blitt oppsøkt av dei pågåande arbeidarane. Dei tilbyr mellom anna vask av gardsrommet eller hus.
Politi ber nå folk, særs eldre personar, vera på vakt. Denne gruppa omreisande er ofte knytte til annan kriminalitet. Politiet ber publikum ta kontakt om ein får tilbod frå travellers, og at ein noterer seg registreringsnummer på bilane.