• Denne pastarettet smakar nydeleg. Er ein ikkje glad i sjømat, kan ein bruke kylling i staden.

    Bilete 1 av 8 - Denne pastarettet smakar nydeleg. Er ein ikkje glad i sjømat, kan ein bruke kylling i staden.

  • Når dei ulike ingrediensane er hakka opp, tar det ikkje lange tida å laga denne smakfulle rette. Scampi og fisk kan fint bytast ut med kylling, om ein vil.

    Bilete 2 av 8 - Når dei ulike ingrediensane er hakka opp, tar det ikkje lange tida å laga denne smakfulle rette. Scampi og fisk kan fint bytast ut med kylling, om ein vil.

  • Finhakk chili og kvitløk, den gule løken kan skjerast i større bitar om ein vil.

    Bilete 3 av 8 - Finhakk chili og kvitløk, den gule løken kan skjerast i større bitar om ein vil.

  • Kutt paprika i passe bitar, del tomatane i to og del aspargesen i tre, dei to nedste delane skal også delast på langs.

    Bilete 4 av 8 - Kutt paprika i passe bitar, del tomatane i to og del aspargesen i tre, dei to nedste delane skal også delast på langs.

  • Surr så grønsaken lett i panna.

    Bilete 5 av 8 - Surr så grønsaken lett i panna.

  • Medan pastaen kokar minutta den skal, legg spinat i steikepanna og hell på ca tre dl av fløyten. Dryss på litt salt og pepar.

    Bilete 6 av 8 - Medan pastaen kokar minutta den skal, legg spinat i steikepanna og hell på ca tre dl av fløyten. Dryss på litt salt og pepar.

  • Legg så i scampi og eventuelt laksebitar

    Bilete 7 av 8 - Legg så i scampi og eventuelt laksebitar

  • Bland så alt saman, i tillegg til eitt egg og ein neve med parmesan.

    Bilete 8 av 8 - Bland så alt saman, i tillegg til eitt egg og ein neve med parmesan.

Lag pastasalat med scampi og laks!

Det er ferietid, og kva passar vel betre enn ei enkel alt-i-eitt- gryte som det tar under ein halvtime å laga?

av Marta-Brit Lunde

Denne lettvinte retten har knasande asparges og smakfulle scampi i seg. Om ein heller vil bytta scampi ut med kylling, går det heilt fint.

6-8 porsjonar

Dette treng du:
2 chili
4 fedd kvitløk
1 gul løk
litt olivenolje
1 raud paprika
1 boks minitomatar
1 pakke fersk asparges
1 pose fersk spinat
5-6 dl fløyte
500 gram scampi (eller ei blanding med scampi og laks, eller annan fisk)
500 gram pasta (sorten linguini er fin å bruka)
1 egg
1 pakke parmesan
salt
pepar

Slik gjer du:
Dette er ein stor porsjon, så ei stor panne er fin å bruka. Har du kjøpt frosen scampi og fisk, så hugs å la desse tina i kjøleskap natta over og så få renna godt av i ein sil. Start med å klargjera det meste før du set på panna. Finhakk chili og kvitløk, den gule løken kan skjerast i større bitar om ein vil. Legg dette i ei skål.

Kutt paprika i passe bitar, del tomatane i to og del aspargesen i tre, dei to nedste delane skal også delast på langs. Sett på pastavatnet.

Surr så chili, kvitløk og løk blankt i ei panne i lag med litt olivenolje. Ta det ut av panna og gjer det same med paprika, minitomatar og asparges. Medan pastaen kokar minutta den skal, legg spinat i steikepanna og hell på ca tre dl av fløyten. Dryss på litt salt og pepar. Legg så i scampi og eventuelt laksebitar. Medan dette putrar, siler du pastaen og legg den tilbake i gryta. Viss det er plass i panna, ha så dei andre grønsakene i.

Kakk egget og ha det i den kokte pastaen. Rør rundt. Hell i scampiblandinga og det andre og rør rundt. Spe på med fløyte. Rasp opp ei drusen tua med parmesan og rør også dette inn. Smak til med salt og pepar. Så er gryta klar til å nytast. Ha oppraspa parmesan på bordet om gjestane vil ha litt meir. Server gjerne med godt brød til.