Kusj feirar eittårsdag

Abdelmuniem Hamza Hassan starta i fjor haust matvarebutikken Kusj på Sand. I dag, laurdag, blir det eittårsfest i butikken.

Kusj feirar eittårsdag

av Marta-Brit Lunde

I september i fjor opna Abdelmuniem Hamza Hassan matvarebutikk Kusj i Gata. I dag inviterer han til feiring med kake og frukt til alle som kjem innom.

Travelt år
– Det har vore kjekt og travelt, seier Hassan om sitt første driftsår. Det vesle lokalet er festpynta og reolane er fylte til randen med matvarer. Han fortel at han har kundar frå heile kommune, som Erfjord, Jelsa og Suldalsosen, men også dei som kjem heilt frå Sauda og Ølen for å handla hjå han.
I sommar var Hassan i Egypt, og med i bagasjen heim var det mellom anna klede og fargerike lampar som han nå sel i forretninga.
Av kva det går mest av, reknar Hassan opp krydder, saus og snop som varer mange vil ha, men også grønsaker.