Kontakta politiet etter Røde Kors-besøk

Lokale Røde Kors-folk opplevde dei tre mennene som i dag, laurdag, kom innom Røde Kors-huset som så påfallande interesserte i utstyr og verdiar, at dei etterpå kontakta både andre næringsdrivande på Garaneset, men også politiet.
Mennene, som kom i ein grøn personbil, skal ha opptrådd hyggeleg, men var altså svært opptatt av prisen på forskjellig utstyr, Dei skal etter ei stund ha dratt vidare. Personen som førte ordet snakka engelsk.

Ønskjer beskjed om folk opplever tilsvarande
Operasjonsleiar hjå politiet seier episoden førebels er tatt til observasjon. – Me kjenner ikkje til liknande tilfelle i regionen i dag, og ut frå den informasjonen me har nå, kan me ikkje vita kva hensikt desse personane har. Men skulle folk i området oppleva tilsvarande, vil me gjerne at ein tar kontakt med oss, seier vakthavande.