• – Jentene jobbar hardt. At dei bur i lag, gjer dei til gode lagspelarar, seier trenar Loes Torfs (t.v.) om gull-laget.

    Bilete 1 av 4 - – Jentene jobbar hardt. At dei bur i lag, gjer dei til gode lagspelarar, seier trenar Loes Torfs (t.v.) om gull-laget.

  • Full jubel med alle TVN-elevane samla. I vårsola måndag var det kakefest i hagen.

    Bilete 2 av 4 - Full jubel med alle TVN-elevane samla. I vårsola måndag var det kakefest i hagen.

  • Oda Løvø Steinsvåg (t.v.) og Frida Berntsen, to av gull-vinnarane, visste at det å møta Førde i finalesluttspel, kom til å bli vanskeleg. Etter 3-1-sigeren på heimebane sist helg, hadde dei trua på at det i år var deira tur. I fjor tapte TVN-jentene golden set mot Førde.

    Bilete 3 av 4 - Oda Løvø Steinsvåg (t.v.) og Frida Berntsen, to av gull-vinnarane, visste at det å møta Førde i finalesluttspel, kom til å bli vanskeleg. Etter 3-1-sigeren på heimebane sist helg, hadde dei trua på at det i år var deira tur. I fjor tapte TVN-jentene golden set mot Førde.

  • Med kaffi, kake og grilla marshmallows vart gull-jentene feira.

    Bilete 4 av 4 - Med kaffi, kake og grilla marshmallows vart gull-jentene feira.

Historisk gull til TVN-jentene

Damelaget til ToppVolley Norge tok i helga sitt første seriegull og tittelen som eliteseriemeistarar.

av Marta-Brit Lunde

Etter siger mot Førde laurdag, kunne dei unge elitespelarane sleppa jubelen laus og kalla seg Norges beste volleyball-lag og vinnar av Mizunoligaen 2018/19.

Historisk
Før sluttspelfinalen i Naustdal, hadde TVN-jentene vunne første sluttspeloppgjeret i Suldalshallen, 3-1 over Førde.
Gullet er historisk på fleire måtar: Det er første gong elevar på TVN kan skilta med eliteseriegull og første gong i Norge at eit så ungt lag har vunne serien. Det fortel ein strålande nøgd avdelingsleiar, Øyvind Marvik.
– Det er fantastisk kjekt. Etter heimesigeren sist helg og før møtet med Førde-laget for siste og avgjerande volleyballkamp, følte jentene at dei hadde kontroll, fortel Marvik.
Då det laurdag stod 2-1 i favør til TVN-jentene mot Førde-laget, var sigeren sikra.

Målretta jenter
Han får ikkje rost jentene nok, dei som har jobba målretta mot målet. Laget består av jenter i alderen frå 16 til 19 år.
– Å vera så unge og klara å gull, er unikt. Det er ein milepåle for oss.
Laget og støtteapparatet var tilbake til Suldal natt til søndag, etter åtte timar i buss.
I dag, måndag, er det kvardag og skule igjen, men ei feiring blir det tid til i ettermiddag, fortel Marvik.