Blir stengt i fleire dagar

Vegen inn til Ulladalen vil truleg ikkje bli opna før i neste veke. Kommunen må ha ekspertar til å sjå på rasfaren på staden før arbeidet med å sprengja vekk blokkene kan begynna.

Må vurdera rasfaren
Det fortel vegsjef i kommunen, Morten Aarhus. Han fortel at det går bra med familien som bur innanfor raset, det går an å ta seg forbi rasstaden til fots. Steinblokkene som kom ned i går, kjem frå ei gammal sleppe frå fjellet, og ekspertane må vurdera om det er fare for ytterlegare ras. Aarhus seier kommunen har vore i kontakt med entreprenør, som er klar for å begynna arbeidet når grønt lys blir gitt. Kva tid det blir, er i dag ikkje klart.