Bildekavalkade: Suldalsspeidarar på leir
Publisert: 15.06.2018 11:54
Sist oppdatert:
13:54
Første helga i juni reiste 36 speidarar og ni leiarar frå Suldalsosen, Sand og Erfjord på speidarleir til Blikshavn på Karmøy. På leiren var det ca 400 andre speidarar frå Haugalandet og fleire millionar med knott. Meir om leiren finn du i denne vekas papiravis.
Innsendt av: Marit Eikeland
Artikkelen held fram under annonsen.
Bilete 1 av 13
Felles gruppebilete med Sand- og suldalsspeidarane.
Bilete 2 av 13
Trass høge temperaturar, valde gutane å ha «makke-krig» inne i teltet. Då kryp alle oppi soveposane og prøver å få dei andre til å detta.
Bilete 3 av 13
Den beste patruljen frå Suldalsosen samarbeider om ein teori-oppgåve i kretskonkurransen. Frå venstre: Lina Helen Eikeland, Malin Våge, Thorgeir Aron Steinarsson, Marius Færøy Lunde, Eric Andreas Moe, Johanne Klungtveit Næsje og Henny Kilane.
Bilete 4 av 13
Angelica Eike Kaltveit kastar livlina. Resten av patruljen var Marte Krogh, Tobias Lunde, Thomas Bakka, Kornelius August Kjetilstad og Martine Fisketjøn
Bilete 5 av 13
I varmen blei det mykje bading. Sjøen var farleg å bada i, så speidarane brukte bekken. Her er gutane i full sving med ein demning for å laga ein badekulp. Jonas Gundersen, Kornelius August Kjetilstad, Tobias Lunde, Thorgeir Aron Steinarsson, Thomas Bakka, Kasper Årdal og Marius Lunde Færøy la ned hardt arbeid og greidde det til slutt.
Bilete 6 av 13
Henny Kilane sym inn i betongrøyret i bekken, mens Eric Andreas Moe følgjer med.
Bilete 7 av 13
Speidarane fekk mykje tid til leik og moro. Rasmus Steine, Henny Kilane og Jonas Gundersen ber Angelica Eike Kaltveit.
Bilete 8 av 13
Leirområdet er stort og gir god plass til fysisk aktivitet. Speidarane nyttar høvet til å leika med frisbee.
Bilete 9 av 13
Ein får ikkje meir moro enn ein lagar sjølv. Henny Kilane, Malin Våge, Marius Lunde Færøy og Eric Andreas Moe har putta Thorgeir Aron Steinarsson oppi ein teltpose.
Bilete 10 av 13
Frå venstre: Ella Tjøstheim, Johanne Klungtveit Næsje og Marit Sukka syng sjølvdikta song om at «Suldal er best» på leirbålet føre 400 andre speidarar.
Bilete 11 av 13
Suldal-speidarane et frukost på gruppeområdet. Me var heldig og fekk med oss tre hyggelege mødrer til å hjelpa oss på leiren.
Bilete 12 av 13
Martine Fisketjøn (t.v) og Marte Krogh har laga speidarslim på aktivitetstorget.
Bilete 13 av 13
Lina Helen Eikeland har laga strikkmotorbåt på aktivitetstorget.