20 sommarspørsmål

20 sommarspørsmål

Morten Aarhus, jobbar som brann- og vegsjef i Suldal kommune. I sommar fyller han 50 år og har tenkt seg på campingtur til Sverige.

av Nora Bogetvedt Jenssen

Nemn tre ting som får deg i sommarstemning
– Sol, båtliv og ferie.

Kva vil du visa fram av Suldal til ein som er her for første gong?
– Då ville eg først vist rundt på Sand og så reist opp til Blåsjø ein tur.

Din favoritt-sommarmat
– Grillmat og marinert indrefilet av svin, er favoritten. Salat og potet i ei eller anna form, høyrer til.

Føretrekkjer du fjord eller fjell om sommaren?
Begge delar.

Beskriv deg sjølv med tre ord
– Det synest eg er vanskeleg. Måtte spørja kona mi, Laila. Positiv, engasjert og arbeidsam, kan du skriva.

Sommar er høgsesong for festivalar. Kva festival ville du reist på om du fritt kunne velja?
– Det er slutt på festival-tida, men Gladmaten i Stavanger er bra.

Eit sommarminne
Det er flott å tenkja tilbake på somrane i barndommen på hytta på Mostøl i lag med foreldra mine. Sol, fint vêr og frukost ute. Og kjenningsmelodien til Reiseradioen kan eg høyra endå, når eg tenkjer tilbake.

Kor drøymer du om å reisa?
– Veit ikkje om der er like fint lenger, men ein dykkartur til Maldivene høyrest flott ut.

Sommarlektyre?
– Nei, eg les ikkje. Berre Suldalsposten.

Din sommarsong nummer ein?
– Det er som regel årets sommarhit på radioen. Eg blir lett påverka og får fort refrenga på hjernen. I år er det Sommerkroppen med Mads Hansen.

Kva er for deg ein perfekt sommardag?
– Flott vêr og tur med familien.

Finaste badeplassen i Suldal?
– Om det er badestrand, synest eg det er finast på Jelsa. I Svinavikjå og Bjødnavikjå på Sand bada eg mykje i ungdommen. Skal eg bada, likar eg meg best i sjøen, ikkje i ferskvatn.

Dersom du fekk bestemma, kva er det første du ville ha gjort noko med i kommunen?
– Meir pengar til asfalt.

Kva er det mest impulsive du har gjort?
– Det må ha vore tidleg på 90-talet ein gong. Viking skulle spela kvartfinale i cupen mot Rosendal i Trondheim. Eg og tre andre bestemte oss kvelden før, køyrde opp og rakk akkurat tilbake til jobb neste dag. Viking tapte.

Kva overskrift vil du helst sjå på framsida av avisa i sommar?
– Oppstart av tunell i Rødsliane i 2019

Beste oppleving i Suldal?
– Åge Aleksandersen på Ungkarsfestivalen. Det var stort.

Beste turtips i Suldal?
Snønuten i Bråtveitheia. Flott natur og god utsikt når du kjem opp. Og så er det ei veldig flott hei.

Kva skal du gjera i sommar?
– Det blir campingtur til Sørlandet og Mandal. Resten av ferien blir det hytteliv i Suldal, på Mostøl og på Veting.

Er det noko du ikkje likar med sommaren?
– Knott og mygg. Dei kan fort øydeleggja ein flott tur.

Kven vil du gi ein blomebukett og kvifor?
– Med fare for å fornærma kona, vil eg gi buketten til Arne Abrahamsen. Han er trenar for G15 i Suldal og gjer ein kjempejobb. Ungane er heilt i hundre, og det er ei fryd å vera på kamp. Nesten som på Viking.